काठमाडौँ । नेपाल सुनचाँदी व्यवसायी महासंघले देशभरका सदस्य व्यवसायीहरूको समस्या समाधान तथा सहजीकरणका लागि केन्द्रीय सचिवालयमा विशेष ‘हेल्प डेस्क’ स्थापना गरेको छ। महासंघले जारी गरेको परिपत्रमार्फत जिल्ला, नगर तथा वस्तुगत संघ/एसोसिएट सदस्यहरूलाई यस सेवा प्रयोग गर्न आह्वान गरेको हो।
महासंघका अनुसार नयाँ स्थापित हेल्प डेस्कले व्यवसायसँग सम्बन्धित जटिल समस्या समाधान, आवश्यक मार्गदर्शन तथा सूचना आदान–प्रदानलाई सहज बनाउनेछ। यस कदमलाई व्यवसायीहरूका लागि एकीकृत सहायता प्रणालीको रूपमा लिइएको छ, जसले स्थानीय तहदेखि केन्द्रसम्म समन्वय मजबुत बनाउने अपेक्षा गरिएको छ।
हेल्प डेस्कका प्रमुख उद्देश्यहरूमा सदस्य संघहरूलाई आवश्यक सहयोग छिटो उपलब्ध गराउने, व्यवसायिक गतिविधिमा देखिएका समस्यामा मार्गदर्शन गर्ने, संघबीच सूचना आदान–प्रदानलाई व्यवस्थित बनाउने तथा सुनचाँदी व्यवसायसँग सम्बन्धित नीतिगत र व्यवहारिक पक्षमा सहयोग पुर्याउने रहेका छन्।
महासंघले सचिवालयमार्फत उपलब्ध हुने यो सेवाले व्यवसायीहरूलाई समयमै समाधान दिने विश्वास व्यक्त गरेको छ। साथै, सदस्यहरूलाई प्रत्यक्ष सम्पर्कमार्फत सेवा लिन अनुरोध गरिएको छ।
यस पहललाई सुनचाँदी व्यवसाय क्षेत्रमा दीर्घकालीन सुधार र सुदृढीकरणको महत्वपूर्ण कदमका रूपमा हेरिएको छ।
तपाईको प्रतिक्रिया
सम्बन्धित खवर
