चितवन। नेपाल सुनचाँदी व्यवसायी संघ चितवनले आन्तरिक राजस्व कार्यालय भरतपुरका कर अधिकृतहरूलाई आज बिहीबार संघको कार्यालयमा स्वागत गरेको छ ।
कार्यक्रमको अध्यक्षता समेत गर्नुभएका संघका अध्यक्ष हेमबहादुर विश्वकर्माले कर अधिकृत सुरेश बरालीको नेतृत्व आएको टोलीलाई संघको कार्यालयमा स्वागत गर्नुभएको हो ।
स्वागत कार्यक्रममा कर अधिकृत सुरेश बरालीले निर्धारित समयभित्रमा विलासिता शुल्क बुझाउन व्यवसायीहरूलाई पहल गरिदिन संघलाई अनुरोध गर्नुभयो ।
त्यसैगरी संघका अध्यक्ष हेमबहादुर विश्वकर्माले संघबाट विलासिता शुल्क बुझाउनका लागि सुनचाँदी व्यवसायीहरूलाई पहल गरिने बताउनुभयो ।
कार्यक्रमलाई संघका वरिष्ठ उपाध्यक्ष उत्सव खाती वि.कले सहजीकरण गर्नुभएको थियो भने कार्यक्रममा नेपाल सुनचाँदी व्यवसायी महासंघका स्वकिय प्रेस सल्लाहकार अमिर रामदाम, जिल्ला संघका सचिव प्रेम बहादुर वि.कको उपस्थिति रहेको थियो ।
त्यस्तै राजस्व कार्यालयबाट आएको टोलीले आज बिहीबार सुनचाँदी व्यवसायीहरूमा पुराना सुन तथा सुनका गरगहना बेच्न आउँदा बिक्रेताले पेश गर्नुपर्ने विवरणका विषयमा सूचना सम्प्रेषण गर्ने कार्य गरेको छ।
तपाईको प्रतिक्रिया
सम्बन्धित खवर
