काठमाडौं। नेपाल सुनचाँदी व्यवसायी महासंघले अबदेखि सार्वजनिक बिदामा समेत सुनचाँदी दरभाउ प्रकाशित गर्ने निर्णय गरेको छ ।
महासंघको १० औं कार्यसमितिको बैठकको निर्णय अनुसार दशैंमा ४ दिन अष्टमीदेखि एकादशीसम्म, तिहारमा ३ दिन भाईटिकाको अघिल्लो दिनदेखि भोलीपल्टसम्म र शनिवार बाहेक सार्वजनिक बिदा हुने दिनहरूमा समेत नियमित दरभाउ प्रकाशित हुने महासचिव किरणभाई बज्राचार्यले बताउनुभयो।
महासंघले बिहीवार एक सूचना जारी गर्दै सम्पूर्ण व्यवसायीहरूलाई जानकारी गराएको थियो।



