काठमाडौं । नेपाली बजारमा सुनचाँदीको मूल्यले आज पनि नयाँ रेकर्ड राखेको छ ।
नेपाल सुनचाँदी व्यवसायी महासंघका अनुसार आज सुन प्रतितोलामा ८ हजार १ सय रुपैयाँले बढेको छ ।
सोमबार प्रतितोला २ लाख ४० हजार ४ सय रुपैयाँमा कारोबार भएको सुनको मूल्य आज ८ हजार १ सय रुपैयाँले बढेर २ लाख ४८ हजार ५ सय रुपैयाँ पुगेको महासंघले जनाएको छ।
सोमबार ३ हजार २ सय २० रुपैयाँमा कारोबार भएको चाँदी आज तोलामा १ सय ५ रुपैयाँ बढेर प्रतितोला ३ हजार ३ सय २५ रुपैयाँमा किनबेच भइरहेको छ । सुन र चाँदीको मूल्य हालसम्मकै सर्वाधिक रहेको छ ।
सुनचाँदीको मूल्य सम्बन्धि दैनिक विवरण स्वर्ण खबर डटकममा ‘अटो अपडेट’ हुन्छ ।
